Baki sab bekaar hai..... (All else is meaningless. .)

Jhoothi kaya Jhoothi maya,
Jhootha  sab sansaar hai,
Jhoothey naatè rishtey saare,
Jhootha ghar pariwar hai!

Aas na rakhna kuchh paane ki
Sapno ka bazaar hai ,
Mahal samajh kar khush hotè thhè
Dhool ka ik gubbar hai!

Gairon ka mat poochho yaaron,
Apno ka ye haal hai,
Umra bita di jiski khaatir,
Hamse wohi bezaar hai...

Sach kahtè hain gyani dhyani,
Sachha ek kartaar hai,
Chhaho bas tum usko dil se,
Baaki sab bekaar hai.....
Baaki sab bekaar hai......!